Ökukennarafélag Íslands stóð fyrir náms- og skemmtiferð til Þýskalands og var gist í Heidelberg. Var ferðin á félagslegum grunni og líkt og fyrri ferðir á vegum félagsins hugsuð til þess að styrkja tengslin.

Ökukennararnir fóru á námskeið á sérhönnuðu æfingasvæði við Hockenheimring. Tveir þjálfarar sáu um námskeiðið og miðuðu æfingarnar að því að auka öryggi, opna á vitund og hugafar ökukennara. Aðstaðan til æfinganna er til fyrirmyndar og mikil og almenn ánægja var með námskeiðið.

Ökukennararnir heimsóttu ökuskóla í bænum Hockenheim. Skólastjórinn tók á móti hópnum ásamt stjórnarmanni í þýska ökukennarafélaginu og kynntu þeir ökunám í Þýskalandi. Mjög áhugavert var að kynnast hvernig ökunám fer fram í Þýskalandi. Meðal annars kom fram að ökukennarar eru ánægðir með starfsumhverfi sitt og ásókn er í ökukennaranám. Í Þýskalandi búa um 81 milljón manna og þrjár skólastofnanir bjóða uppá ökukennaranám. Það tekur þá 150 ökukennara sem útskrifast á hverju ári um eitt ár að ljúka námi.

 

Nýverið ver hámarkshraði lækkaður úr 90 km/klst. niður í 80 km/klst. á um 40% vega í Frakklandi eða um 400.000 km. Um er að ræða tveggja akreina vegi án vegriða á milli akreina.

Stjórnvöld fullyrða að fækka megi banaslysum um 350 - 400 á ári með þessari ákvörðun, en um 55% banaslysa verða á tveggja akreina vegum án vegriða þar í landi.

Með þessari ákvörðun eru Frakkar að fylgja mörgum öðrum þjóðum sem nú þegar hafa lækkað hámarkshraða á undanförnum árum.

Við ætlum að lengja verslunarmannahelgina og hafa lokað á þriðjudaginn, 7.ágúst.

Skrifstofa Ökukennarafélagsins opnar aftur miðvikudaginn 8.ágúst klukkan 10:00.

Hafið það gott um helgina!

 

 

Í tilefni þess að í dag, 26. maí, eru 50 ár liðin frá því að hægri umferð var tekin upp hér á Íslandi langar stjórn Ökukennarafélags Íslands að minnast tímamótanna.

Ökukennarafélag Íslands kom að þessari breytingu með afgerandi hætti.

Félagið var stofnað árið 1946 en félagsstarfið var mjög stopult á fyrstu árum þess og var í raun endurvakið árið 1959 af nokkrum aðilum.

Árin liðu og árið 1965 þjappaðist ákveðinn hópur ökukennara saman þegar farið var í námsferð til Þýskalands og í framhaldi af því keyptu margir sér tilbúna kennslubíla frá Volkswagen.

Árið 1967, þegar undirbúningur fyrir hægri umferð stóð sem hæst, fór hópur héðan til Svíþjóðar í náms- og kynnisferð en Svíarnir voru þá nýlega búnir að skipta yfir í hægri umferð.

Félagsmenn Ökukennarafélags Íslands þjálfuðu upp hópa sem leiðbeindu síðan öðrum ökumönnum við þessa miklu breytingu í umferðarmálum.

Árið 1967 stofnaði Ö.Í. ökuskóla og var hann staðsettur í Suðurveri í Stigahlíð.

Um það leyti jók félagið útgáfu að ýmiskonar fræðsluefni og hefur í gegnum árin verið leiðandi í útgáfu fræðsluefnis fyrir ökunám til allra ökuréttinda.

Er það mat margra félagsmanna að við H daginn 1968 hafi orðið nútímavæðing í umferðarmálum og mikil lyftistöng fyrir ökukennara og greinina í heild sinni.

Einnig má fullyrða að breytingin skilað betri ökumönnum og var jákvæð fyrir umferðarsamfélagið.

Ökukennarafélag Íslands þakkar þjóðinni fyrir þessa vegferð og óskar öllum velfarnaðar í umferðinni.

efa logo mynd

efa logo texti

ntulogo

Já - 40.2%
Nei - 54.6%
Hlutlaus - 5.2%

Fjöldi þáttakenda: 97
Þessari könnun lauk on: Mars 7, 2020