Ökukennarafélag Íslands og Umferðarstofa héldu átta kynningarfundi, í Reykjavík, Borgarnesi, Akureyri, Egilsstöðum, Selfossi og Reykjanesbæ. 143 ökukennarar sóttu þessa fundi og er þakkað fyrir góða þátttöku.
Á heimasíðu Umferðarstofu eru kynningarnar sem fluttar voru svo og námskráin.

Ný námskrá til B-réttinda, febrúar 2010, hefur verið staðfest af Samgönguráðuneytinu. 

Námskráin á vef Umferðarstofu
Námskráin hér sem pdf-skjal (242 kB)

Þann 1. janúar 2010 taka gildi nýar reglur um ökunám. Reglurnar eru þess efnis að allir þeir sem hefja ökunám eftir 01.01.2010 skulu sækja sérstakt nám í ökugerði. Í júlí síðastliðnum gaf Samgönguráðuneytið út reglugerð sem heimilaði notkun skrikvagns (SkidCar) til jafns við kennslu í sérstöku ökugerði til þessarar kennslu. Nú hafa Ökukennarafélag Íslands og Forvarnahúsið gert með sér samkomulag um framkvæmd þessarar kennslu. Hingað til lands eru komnir tveir Skrikbílar og verið er að ganga frá færanlegu forvarnahúsi.
Föstudaginn 4. desember gekkst Ökukennarafélag Íslands fyrir kynningu á þessari nýung fyrir félagsmenn sína. Um var að ræða verklega kynningu í skrikvögnum og sýnikennsla í Forvarnahúsinu ásamt fræðilegri kennslu, sem fór fram með líku sniði og almennir ökunemar munu fá á þessum fyrirhuguðu námskeiðum. Almennt lýstu ökukennarar ánægju sinni með þetta framtak og töldu þetta verulegt framfaraskref í ökunámi á Íslandi.
Eins og áður hefur komið fram hefur Ökukennarafélagið tryggt sér starfsaðstöðu fyrir þessa starfsemi á Kirkjusandi í Reykjavík (gamla Strædóplaninu) en þar verður boðið upp á nám í „áhættuvarnarakstri“ strax í byrjun næsta árs.

Þann 5. desember s.l. útskrifuðust 24 ökukennarar frá Menntavísindasviði Háskóla Íslands.
Verkefnastjóri var Knútur Hafsteinsson.
Ökukennarafélag Íslands óskar hinum nýju ökukennurum velfarnaðar við ný og krefjandi viðfangsefni.

Vöntun er á ökukennurum í Noregi.
Sjá bréf frá Guðmundi Jónssyni í Noregi.

228. fundur Umferðarráðs ályktaði um notkun endurskinsmerkja og ljósabúnað reiðhjóla.
Sjá ályktunina.

Sjá ályktunina

Stjórn Ökukennarafélagsins hefur ráðið framkvæmdastjóra frá 1. maí 2009. Ráðningin er í samræmi við starfsramma stjórnar sem samþykktur var á ársþingi 2008.

Guðbrandur Bogason fyrrverandi formaður hefur verið ráðinn framkvæmdastjóri í hlutastarf til fimm ára.

Á meðfylgjandi mynd er hinn nýi framkvæmdastjóri að undirrita ráðningarsamninginn.

Á ársþingi sem haldið var 28. apríl gaf Guðbrandur Bogason ekki kost á sér til endurkjörs. Jón Haukur Edwald var kjörinn nýr formaður.

Ökukennarafélagið hefur lengi unnið að því að fá stjórnvöld til að heimila afhendingu bráðabirgðaakstursheimilda til B-réttinda hjá Frumherja strax eftir að próftaki hefur staðist próf. Augljóslega er hér um að ræða mikinn þjóðhagslegan sparnað.
Þetta er nú orðið að veruleika fyrir þá próftaka sem sækja um próftökuheimild í fyrsta sinn frá og með 1. apríl 2009.

Sjá frétt á heimasíðu Frumherja